![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Pas deklaratës së djeshme nga zyrtarët e lartë të BE-së, Federica Mogherini dhe Johannes Hahn, që i bënin thirrje opozitës të kthehej në parlament, “Washington Post”, ditën e sotme ka pasqyruar edhe njëherë thirrjen e dnërkombëtarve. “Bashkimi Evropian i bëri thirrje opozitës në Shqipëri t’i japë fund bojkotit të parlamentit dhe të marrin pjesë në nisjen e reformave të drejtësisë, të cilat konsiderohen kyç për përpjekjet e integrimit të vendit në BE.
Shefja e politikës së jashtme të BE Federica Mogherini dhe komisioneri i zgjerimit Johannes Hahn lëshuan një deklaratë të përbashkët duke i thënë Shqipërinë të fillojë zbatimin e reformës në drejtësi pasi është “një hap i rëndësishëm për vendin për t’u bashkuar me Bashkimin Evropian”. Ata thanë se debati politik duhet të bëhet “brenda parlamentit, sipas praktikave demokratike”.
Reforma në drejtësi e miratuar vitin e kaluar po pengohet nga bojkoti i opozitës. Kreu i Partisë Demokratike Lulzim Basha të mërkurën akuzoi “diplomatë të lartë në Tiranë”, pa përmendur emra, se po mbështetin përpjekjet e kryeministrit Edi Rama për të vënë sistemin e drejtësisë nën kontrollin e partisë në pushtet”, thuhet ndër të tjera në artikullin e publikuar nga prestigjozja amerikane.